Tuesday, Jun 25th

Сайт обновлен08:35:36 AM GMT

Вы находитесь: Новости Год молодежи Мы розныя, і гэта здорава!

Мы розныя, і гэта здорава!

E-mail Печать

На базе Маладзечанскага цэнтра творчасці дзяцей і моладзі «Маладзік» адбыўся двухдзённы навучальны семінар для школьнікаў па тэме «Роўнасць, або 1 = 1», ініцыіраваны грамадскай арганізацыяй «Хрысціянская садружнасць дарослых і маладых». У ім удзельнічалі навучэнцы маладзечанскіх каледжаў, школьнікі і гімназісты.

Адзінаццацікласніца Лада расказала, што ў трэці раз прымае ўдзел у адукацыйных мерапрыемствах гэтай грамадскай арганізацыі. Дзяўчына спадзяецца, што атрыманыя веды дапамогуць на практыцы. Зацікавіла яе і тэма «Роўнасць, або 1 = 1».

У ходзе заняткаў трэнеры семінара Юлія Ведышава(Маладзечна) і Яўгенія Пачэпка (Віцебск) акцэнтавалі ўвагу на пытаннях роўнасці і недыскрымінацыі, талерантных адносін у сучасным грамадстве, разгледзелі асноўныя тэрміны, звязаныя з вызначанай тэмай, абмеркавалі прычыны дыскрымінацыйных паводзін і пачуцці, якія ўзнікаюць у тых, хто трапіў у складаную жыццёвую сітуацыю.

У даверлівай сяброўскай абстаноўцы равеснікі пагаварылі аб распаўсюджаных у грамадстве стэрэатыпах.

Па выніках атэстацыі ўдзельнікі атрымаюць сертыфікаты мультыплікатараў (мультыплікатар у цікавай гульнявой форме перадае веды аднагодкам), займеюць магчымасць аргані-
зоўваць і праводзіць у сваіх навучальных установах трэнінгі на тэму «Роўнасць» па прынцыпе «Роўны навучае роўнага».

Людміла ЦАР.
Фота: Вячаслаў ТАБУЛІН.

Комментировать:

Добавить комментарий

Защитный код
Обновить

▲ Наверх